திருச்செந்தூரில் மாற்றுத்திறனாளிகள் அடையாளஅட்டை வழங்கும் முகாம்: கலெக்டர் செந்தில்ராஜ்

தூத்துக்குடி:

திருச்செந்தூர் கோட்டத்துக்கு உட்பட்ட ஆத்தூர், ஆறுமுகநேரி, மணப்பாடு, உடன்குடி, ஸ்ரீவைகுண்டம், ஏரல், சாத்தான்குளம் மற்றும் அதனை சுற்றி உள்ள பகுதிகளை சேர்ந்த மாற்றுத்திறனாளிகள் பயனடையும் வகையில் ஒவ்வொரு மாதமும் 4-வது வெள்ளிக்கிழமை திருச்செந்தூர் அரசு ஆஸ்பத்திரியில் வைத்து மாற்றுத்திறனாளிகளுக்கான தேசிய அடையாள அட்டை வழங்கும் சிறப்பு முகாம் நடத்தப்படுகிறது. அதன்படி இந்த மாதத்துக்கான முகாம் வருகிற 22-ந் தேதி நடக்கிறது. இந்த முகாமில் சிறப்பு டாக்டர்கள் குழுவினர் மருத்துவ பரிசோதனை செய்கின்றனர். எனவே திருச்செந்தூர் கோட்டத்துக்கு உட்பட்ட மாற்றத்திறனாளிகள் முகாமில் கலந்து கொண்டு தேசிய அடையாள அட்டை பெற்று பயனடையலாம் என மாவட்ட கலெக்டர் செந்தில்ராஜ் தெரிவித்து உள்ளார்.