வண்டலூர்,
செங்கல்பட்டு மாவட்டம் சிங்கப்பெருமாள் கோவில் அருகே உள்ள அனுமந்தபுரம் கூட்டு ரோட்டில் புகையிலைப் பொருட்களை மூட்டைகளில் சிலர் பதுக்கி வைத்திருப்பதாக மறைமலைநகர் போலீசாருக்கு ரகசிய தகவல் கிடைத்தது.
இதனையடுத்து சம்பவ இடத்திற்கு போலீசார் சென்று பார்த்தபோது, அங்கு 6 பிளாஸ்டிக் கோணி பைகளில் அரசால் தடை செய்யப்பட்ட புகையிலை பாக்கெட்டுகள் இருப்பது தெரியவந்தது.
இதனையடுத்து, புகையிலை பொருட்கள் பதுக்கி வைத்திருந்த சென்னை வில்லிவாக்கம் பகுதியைச் சேர்ந்த குணசேகரன் (வயது 40), சென்னை கொளத்தூர் பகுதியைச் சேர்ந்த அரிகிருஷ்ணன் (35), ஆகிய 2 பேரையும் போலீசார் கைது செய்து அவர்களிடமிருந்து தடை செய்யப்பட்ட 1,200 புகையிலை பாக்கெட்டுகளை பறிமுதல் செய்தனர்.
இதுகுறித்து மறைமலைநகர் போலீசார் வழக்குப்பதிவு செய்து விசாரித்து வருகின்றனர்.