மக்கள் நாடாளுமன்ற கூட்டம்

கழுகுமலை:

கழுகுமலையில் இந்திய கம்யூனிஸ்டு கட்சி சார்பில் மக்கள் நாடாளுமன்ற கூட்டம் நடைபெற்றது. கூட்டத்திற்கு அந்தோணியம்மாள் தலைமை தாங்கினார். சிவராமன் முன்னிலை வகித்தார். கூட்டத்தில் புதிய 3 வேளாண் சட்டங்களை ரத்து செய்யவும், மின்சார திருத்த சட்டத்தை ரத்து செய்யவும், முக்கிய தலைவர்களின் பேச்சுக்களை ஒட்டு கேட்டதற்கு தகுந்த நடவடிக்கை எடுக்க வேண்டுமென தீர்மானம் நிறைவேற்றப்பட்டது. கூட்டத்தில் உறுப்பினர்கள் கருப்பசாமி, ஜோதிபாசு, சேது ராமலிங்கம், எட்டப்பன் ஆகியோர் கலந்து கொண்டனர்.