சென்னை,
தமிழ்நாடு மற்றும் புதுச்சேரி வருமான வரி தலைமை இயக்குனராக (புலனாய்வு) சுனில் மாத்தூர் பொறுப்பேற்றுள்ளார். இவர் பதவி உயர்வு பெற்று, வாரணாசியில் இருந்து மாறுதலாகி சென்னை வந்துள்ளார். சுனில் மாத்தூர், 1988-ம் ஆண்டு இந்திய வருவாய்பணி அலுவலர்கள் அணியை சேர்ந்தவர். இவர் குஜராத், ராஜஸ்தான், டெல்லி, கொல்கத்தா, உத்தரப்பிரதேசம் ஆகிய மாநிலங்களில் வருமான வரித்துறையின் பல்வேறு அலுவலகங்களில் உயர் பதவிகளை வகித்துள்ளார்.
மத்திய தொழிலாளர் மற்றும் வேலைவாய்ப்பு அமைச்சகத்தில் இயக்குனராகவும் பணியாற்றியுள்ளார். 2014-15-ம் ஆண்டில் தேசிய சிங்கப்பூர் பல்கலைக்கழகத்தின் லி குவான் யு பொதுக்கொள்கை பள்ளியில் பொது நிர்வாகத்தில் ஓராண்டு முதுநிலைப் படிப்பை முடித்துள்ளார்.
மேற்கண்ட தகவல் சென்னை வருமான வரித்துறையின் கூடுதல் இயக்குனர் (புலனாய்வு) டி.ரோகிணி வெளியிட்டுள்ள செய்திக்குறிப்பில் கூறப்பட்டுள்ளது.
