கிராமப்புறத்தில் சிறு கோவில்களில் வில்லிசை நடத்த அனுமதிக்க வேண்டும் - கலெக்டர் அலுவலகத்தில் கலைஞர்கள் கோரிக்கை

தென்காசி,

கீழப்பாவூர் நவநீத கிருஷ்ணபுரம் கிராமிய வில்லிசை கலைஞர்கள் முன்னேற்ற சங்க தலைவர் ஜெகநாதன் தலைமையில் வில்லிசை கலைஞர்கள் தென்காசி மாவட்ட கலெக்டர் அலுவலகத்தில் நேற்று ஒரு கோரிக்கை மனு கொடுத்தனர். அதில் கூறப்பட்டிருப்பதாவது:-

நாங்கள் தலைமுறை தலைமுறையாக எங்களின் குலத்தொழிலான வில்லிசையை நம்பி வாழ்ந்து வருகிறோம். சுமார் 3 ஆயிரம் குடும்பங்கள் இதை வைத்து பிழைத்து வருகிறது. தற்போது கொரோனா வைரசால் சுமார் 6 மாத காலமாக வேலையின்றி எங்களின் குடும்பங்கள் வாழ்வாதாரத்தை இழந்து தவித்து வருகிறோம். இதனை மாற்றியமைக்க கிராமப்புறத்தில் உள்ள சிறிய கோவில்களுக்கு நாட்டுப்புற கிராமிய கலையான வில்லிசை நடத்த அனுமதி வழங்குமாறு கேட்டுக்கொள்கிறோம்.

இவ்வாறு அதில் கூறப்பட்டுள்ளது.