புதுடெல்லி,
சி.பி.எஸ்.இ. பாடத்திட்டத்தின் கீழ், பிளஸ்-2 மற்றும் 10-ம் வகுப்பு தேர்வு எழுதிய மாணவ-மாணவிகள், தேர்வு முடிவுக்காக காத்து இருந்தனர். ஆனால் முடிவுகள் வெளியாவது தாமதம் ஏற்பட்டதால், மாணவ-மாணவிகள் கல்லூரிகள் மற்றும் உயர் வகுப்புகளில் சேர்வதில் சிரமம் ஏற்பட்டது.
இந்த நிலையில் சி.பி.எஸ்.சி. பிளஸ்-2 தேர்வு முடிகள் இன்று காலை வெளியானது. இந்த தேர்வில் 92.71 சதவீத மாணவ-மாணவிகள் தேர்ச்சி பெற்றனர். மாணவர்கள் 91.25 சதவீதமும், மாணவிகள் 93 சதவீதமும் தேர்வில் வெற்றி பெற்றுள்ளனர்.
இதனை தொடர்ந்து இன்று பிற்பகலில் சி.பி.எஸ்.சி. 10-ம் வகுப்பு தேர்வு முடிவுகள் வெளியாகும் என்று அறிவிக்கப்பட்டது. அதன்படி 10-ம் வகுப்புக்கான தேர்வு முடிவுகளை சி.பி.எஸ்.சி. தற்போது வெளியிட்டுள்ளது. இந்த தேர்வில் 94.40 சதவீத மாணவ-மாணவிகள் தேர்ச்சி பெற்றுள்ளனர்.
தேர்வு முடிவுகள் www.cbse.nic.in, cbse.gov.in, DigiLocker ஆகிய இணைய தளங்களில் வெளியிடப்பட்டுள்ளன. தேர்வு எழுதிய மாணவர்கள் தங்கள் தேர்வு முடிவுகளை இணையதளத்திலும், பள்ளியிலும் நேரில் சென்று தெரிந்து கொள்ளலாம் என்று மத்திய கல்வி வாரியம் அறிவித்துள்ளது.