புதுடெல்லி,
டெல்லியில் மாணவியை கற்பழித்து கர்ப்பமாக்கிய அரசு அதிகாரி பிரேமோதய் காக்கா பற்றி டெல்லி மகளிர் ஆணைய தலைவி சுவாதி மாலிவால், டெல்லி அரசின் தலைமைச்செயலாளருக்கு ஒரு கடிதம் எழுதியுள்ளார்.
அந்த கடிதத்தில், அந்த அதிகாரி மீது ஏற்கனவே 4 பாலியல் புகார்கள் வந்துள்ளன என்றும், அதில் தனித்தனியாக 3 பெண்கள் தெரிவித்த புகார்கள் கோர்ட்டு வரை சென்றன என்றும் தெரிவிக்கப்பட்டு உள்ளது. இதுபோன்ற பாலியல் துன்புறுத்தல்களை தடுக்க, பாலியல் பிரச்சினைகளை கையாளும் தொண்டு நிறுவன பணியாளர்கள் மூலம் புகார் குழுக்கள் அமைக்க வேண்டும் என்றும் தலைமைச் செயலாளருக்கு சுவாதிமாலிவால் பரிந்துரைத்து இருக்கிறார்.