தேர்தல் கமிஷனின் சர்வதேச மாநாடு: டெல்லியில் இன்று தொடங்குகிறது

புதுடெல்லி,

தேர்தல் கமிஷன் கடந்த 2021-ம் ஆண்டு நடத்திய ஜனநாயகத்துக்கான உச்சி மாநாட்டை தொடர்ந்து ஆண்டுதோறும் சர்வதேச மாநாடு நடத்தப்பட்டு வருகிறது.

அந்தவகையில் 2-வது சர்வதேச மாநாடு டெல்லியில் இன்று (திங்கட்கிழமை) தொடங்குகிறது. 'தொழில்நுட்பத்தின் பயன்பாடு மற்றும் தேர்தல் நேர்மை' என்ற தலைப்பில் நடைபெறும் இந்த 2 நாள் மாநாட்டை தலைமை தேர்தல் கமிஷனர் ராஜீவ் குமார் தொடங்கி வைக்கிறார்.

இந்த மாநாட்டில் 17 நாடுகள் மற்றும் தேர்தல் அமைப்புகளை சேர்ந்த 43 பிரதிநிதிகள் பங்கேற்கின்றனர்.

இந்த தகவலை தேர்தல் கமிஷன் வெளியிட்டு உள்ளது.