"மேற்கு வங்கத்தில் வாக்குகள் திருட்டு நடந்துள்ளது. தேர்தல் ஆணையத்துடன் இணைந்து பாஜக வாக்குகளை திருடியுள்ளது. அசாம், வங்காளத்தில் பாஜகவால் வாக்குகள் திருடப்பட்டுள்ளது" என ராகுல்காந்தி குற்றச்சாட்டு தெரிவித்துள்ளார்.
மேற்கு வங்காள சட்டசபை தேர்தலில், பவானிபூர் தொகுதியில் போட்டியிட்ட திரிணாமுல் காங்கிரஸ் தலைவர் மம்தா பானர்ஜி பாஜக வேட்பாளர் சுவேந்து அதிகாரிவிடம் 15,105 வாக்குகள் வித்தியாசத்தில் தோல்வியடைந்தார். கடும் போட்டி நிலவிய இத்தொகுதியில், இறுதி முடிவுகளின்படி சுவேந்து அதிகாரி 73,917 வாக்குகளும், மம்தா பானர்ஜி 58,812 வாக்குகளும் பெற்றனர்.
தமிழக சட்டசபை தேர்தலில் தனிப்பெரும் கட்சியாக த.வெ.க. உருவெடுத்துள்ள சூழலில், அக்கட்சியின் பெண் ஆதரவாளர் குளோரி என்பவர், ஈ.சி.ஆர். சாலையில் இருந்து பனையூரில் உள்ள கட்சி தலைமையகம் வரை முழங்காலில் நடந்து சென்றார்.
கேரளா ( 140 தொகுதிகள் - 71 பெரும்பான்மை)
இடதுசாரிகள் கூட்டணி - 38 முன்னிலை
காங்கிரஸ் கூட்டணி - 73 முன்னிலை
பாஜக கூட்டணி - 5 முன்னிலை
மற்றவை - 8 முன்னிலை
கேரளா ( 140 தொகுதிகள் - 71 பெரும்பான்மை)
இடதுசாரிகள் கூட்டணி - 25 முன்னிலை
காங்கிரஸ் கூட்டணி - 45 முன்னிலை
பாஜக கூட்டணி - 4 முன்னிலை
மற்றவை - 6 முன்னிலை
புதுச்சேரி (30 தொகுதிகள் - 16 பெரும்பான்மை)
என்.ஆர்.காங்கிரஸ், பாஜக கூட்டணி - 7 முன்னிலை
காங்கிரஸ், திமுக கூட்டணி - 2 முன்னிலை
தவெக கூட்டணி - 4 முன்னிலை
மற்றவை - 0
அசாம் ( 126 தொகுதிகள் - 64 பெரும்பான்மை)
பாஜக கூட்டணி - 50 முன்னிலை
காங்கிரஸ் கூட்டணி - 14 முன்னிலை
அனைத்திந்திய ஐக்கிய ஜனநாயக முன்னணி - 1 முன்னிலை
மற்றவை - 0
மேற்கு வங்காளத்தின் கொல்கத்தா மாவட்டம் பவானிப்பூரில் போட்டியிட்டுள்ள திரிணாமுல் காங்கிரஸ் தலைவரும், மாநில முதல்-மந்திரியுமான மம்தா பானர்ஜி பின்னடைவை சந்தித்துள்ளார்.
மேற்கு வங்காளம் (294 தொகுதிகள் - 148 பெரும்பான்மை)
திரிணாமுல் காங்கிரஸ் - 39 முன்னிலை
பாஜக - 56 முன்னிலை
காங்கிரஸ் - 2
இடதுசாரிகள் - 0
மற்றவை - 0
தமிழகம், கேரளா, புதுச்சேரி, அசாம், மேற்கு வங்காளம் ஆகிய 5 மாநில சட்டசபை தேர்தலில் பதிவான வாக்குகள் எண்ணும் பணி காலை 8 மணிக்கு தொடங்க உள்ளது. முதலில் தபால் வாக்குகள் எண்ணப்பட உள்ளன.
திருவனந்தபுரம்,
தமிழகம், கேரளா, புதுச்சேரி, மேற்கு வங்காளம் , அசாம் ஆகிய 5 மாநிலங்களுக்கான சட்டசபை தேர்தல் நடைபெற்றுள்ளது. தேர்தலில் பதிவான வாக்குகள் இன்று எண்ணப்பட்டு முடிவுகள் அறிவிக்கப்பட உள்ளன.
கேரளா:
140 தொகுதிகளை கொண்ட கேரள சட்டசபைக்கு கடந்த மாதம் 9ம் தேதி ஒரே கட்டமாக தேர்தல் நடைபெற்றது. கேரளாவில் பெரும்பான்மைக்கு 71 தொகுதிகளை கைப்பற்ற வேண்டும்.
கேரள தேர்தலில் இடது ஜனநாயக முன்னணி (இடதுசாரிகள்), ஐக்கிய ஜனநாயக கூட்டணி (காங்கிரஸ் கூட்டணி) , பாஜக கூட்டணி என 3 முனை போட்டி நிலவுகிறது.
அசாம்:
126 தொகுதிகளை கொண்ட அசாம் சட்டசபைக்கு கடந்த மாதம் 9ம் தேதி ஒரே கட்டமாக தேர்தல் நடைபெற்றது. அசாமில் பெரும்பான்மைக்கு 64 தொகுதிகளை கைப்பற்ற வேண்டும்.
அசாம் தேர்தலில் பாஜக கூட்டணி, காங்கிரஸ் கூட்டணி, அனைத்திந்திய ஐக்கிய ஜனநாயக முன்னணி என 3 முனை போட்டி நிலவுகிறது.
புதுச்சேரி:
30 தொகுதிகளை கொண்ட புதுச்சேரி சட்டசபைக்கு கடந்த 9ம் தேதி ஒரேகட்டமாக தேர்தல் நடைபெற்றது. புதுச்சேரியில் பெரும்பான்மைக்கு 16 தொகுதிகளை கைப்பற்ற வேண்டும்
புதுச்சேரியில் என்.ஆர்.காங்கிரஸ் - பாஜக கூட்டணி, காங்கிரஸ் - திமுக கூட்டணி, தவெக கூட்டணி என 3 முனை போட்டி நிலவுகிறது.
மேற்கு வங்காளம்:
294 தொகுதிகளை கொண்ட மேற்கு வங்காள சட்டசபைக்கு கடந்த மாதம் 23 மற்றும் 29 ஆகிய 2 தேதிகளில் இரு கட்டங்களாக தேர்தல் நடைபெற்றது. மேற்கு வங்காளத்தில் பெரும்பான்மைக்க்கு 148 தொகுதிகளை கைப்பற்ற வேண்டும்.
மேற்கு வங்காளத்தில் திரிணாமுல் காங்கிரஸ், பாஜக, காங்கிரஸ் என 3 முனை போட்டி நிலவுகிறது.