பெங்களூரு,
கர்நாடக மாநிலத்தில் ஹிஜாப் விவகாரம் பெரும் சர்ச்சையை ஏற்படுத்தியதைத் தொடர்ந்து, கோவில் வாசலில்களில் இஸ்லாமியர்கள் கடை போடக்கூடாது என கோவில் நிர்வாகங்கள் தரப்பில் அறிவிப்பு வெளியிடப்பட்டுள்ளது.
இந்நிலையில் தாவணகரே மாவட்டத்தில் செய்தியாளர்களிடம் பேசிய பாஜக எம்.எல்.ஏ.வும், கர்நாடக முதல்-மந்திரியின் அரசியல் செயலாளருமான ரேணுகாச்சார்யா, மதரசா பள்ளிகளில் அப்பாவி மாணவர்களிடையே தேச விரோத பிரச்சாரம் செய்யப்படுவதாகவும், வன்முறையை தூண்டும் பாடம் கற்பிக்கப்படுவதாகவும் தெரிவித்துள்ளார்.
எனவே மதரசா பள்ளிகளை தடை செய்ய வேண்டும் என கர்நாடக முதல்-மந்திரி மற்றும் கல்வி மந்திரியிடம் கேட்டுக் கொள்வதாகவும் அவர் தெரிவித்துள்ளார். அவரது பேச்சு கர்நாடக மாநிலத்தில் சர்ச்சையை ஏற்படுத்தியுள்ளது.