டெல்லியில் பள்ளிக்கூடங்களை திறக்கும் திட்டம் இல்லை: அரவிந்த் கெஜ்ரிவால் அறிவிப்பு

புதுடெல்லி,

கொரோனா தொற்று வேகமாக பரவி வருவதால் தலைநகர் டெல்லியில் பள்ளிக்கூடங்கள் அனைத்தும் கடந்த ஆண்டு மார்ச் மாதம் முதல் மூடப்பட்டுள்ளன. மேல்நிலை வகுப்புகள் மட்டும் திறக்கப்பட்டு செய்முறை தேர்வுகள் நடத்தப்பட்டன. பின்னர் 2-வது அலை பரவியதால் அந்த வகுப்புகளும் மூடப்பட்டன.

தொற்று குறைந்து வரும் நிலையில் மீண்டும் பள்ளிக்கூடங்கள் திறக்கப்படுமா? என்ற கேள்விக்கு பதில் அளித்த முதல்-மந்திரி அரவிந்த் கெஜ்ரிவால், உலகின் சில நாடுகளில் 3-வது அலை பரவி வருகிறது. மாணவ, மாணவிகளின் உயிரோடு விளையாட நாங்கள் விரும்பவில்லை. முதலில் 18 வயதுக்கு மேற்பட்ட அனைவருக்கும் தடுப்பூசி போட்டு முடிக்க வேண்டும். எனவே தற்போதைய சூழ்நிலையில் பள்ளிக்கூடங்களை திறக்கும் திட்டம் எதுவும் இல்லை என்று தெரிவித்தார்.