நாகர்கோவில்,
குமரி மாவட்டத்தில் கடந்த சில நாட்களாக பரவலாக மழை பெய்து வருகிறது. நேற்று முன்தினம் மாவட்டத்தின் பல்வேறு பகுதிகளில் மழை பெய்தது. நாகர்கோவிலில் நேற்று மதியத்தில் இருந்து விட்டு, விட்டு சாரல் மழை பெய்து கொண்டிருந்தது.
நேற்று காலை 8 மணி வரையிலான 24 மணி நேரத்தில் குமரி மாவட்டம் முழுவதும் பெய்த மழை அளவு விவரம் (மி.மீ.) வருமாறு:-
பேச்சிப்பாறை- 1.6, பெருஞ்சாணி- 2.2., புத்தன் அணை- 3.4, பூதப்பாண்டி- 3.6, கன்னிமார்- 6.4, குழித்துறை- 20.5, நாகர்கோவில்- 0.1, சுருளகோடு- 6.4, குளச்சல்- 32.6, இரணியல்- 59, ஆரல்வாய்மொழி- 4.4, கோழிப்போர்விளை- 12, அடையாமடை- 4, குருந்தங்கோடு- 15.4, முள்ளங்கினாவிளை- 8 என்ற அளவில் மழை பதிவாகி இருந்தது.
பேச்சிப்பாறை அணைக்கு வினாடிக்கு 541 கன அடி தண்ணீர் வருகிறது. அணையில் இருந்து 756 கன அடி தண்ணீர் திறந்து விடப்படுகிறது. பெருஞ்சாணி அணைக்கு 199 கன அடி தண்ணீர் வருகிறது. அணை மூடப்பட்டுள்ளது.