ஜம்மு,
ஜம்மு மற்றும் காஷ்மீரின் பூஞ்ச் மாவட்டத்தில் குல்பூர் பிரிவில் பாகிஸ்தான் ராணுவத்தினர் இந்திய பகுதிகளை நோக்கி போர்நிறுத்த ஒப்பந்த விதிகளை மீறி இரவு 9.20 மணியளவில் தாக்குதலில் ஈடுபட்டனர்.
இதனை தொடர்ந்து இந்திய ராணுவமும் பதிலடி கொடுத்து வருகிறது. இந்நிலையில், கடந்த 1 மணிநேரத்திற்கும் மேலாக நடந்த மோதலில் இந்திய குடிமக்களில் 3 பேர் பலியாகி உள்ளனர். ஒருவர் காயமடைந்து உள்ளார். இதனை பூஞ்ச் துணை ஆணையாளர் ராகுல் யாதவ் தெரிவித்துள்ளார்.
இந்திய பகுதிக்குள் பாகிஸ்தான் ராணுவம் அத்துமீறி தாக்குதல் நடத்துவது தொடர்ந்து நடந்து வருகிறது. இதில் நாட்டின் குடிமக்கள் பலர் கொல்லப்படும் சூழல் காணப்படுகிறது.
