`பிலிம்மேக்கர் மோட் என்ற பிரத்யேக வசதியை இந்நிறுவனம் இந்த டி.வி.யில் உருவாக்கி உள்ளது. இந்த தொழில் நுட்பத்தை யு.ஹெச்.டி. நிறுவனத்தின் தொழில்நுட்ப உதவியுடன் இந்நிறுவனம் தனது டி.வி.யில் புகுத்தியுள்ளது. திரையரங்கில் பார்ப்பது போன்ற அனுபவத்தை வீட்டில் உள்ள டி.வி.க்களில் பார்ப்பது என்ற நிலையைத் தாண்டி திரைப்படத்தை தயாரிப்போர் பார்க்கும் நுட்பத்தில் படங்களை பார்க்கும் வசதியை இந்நிறுவன டி.வி.க்கள் அளிக்கும். இதற்கென அமேசான் நிறுவனத்துடனும் இணைந்துள்ளது.
இதனால் பிரைம் வீடியோவில் படங்களைப் பார்க்கும் போது அதிலும் குறிப்பாக 4-கே, 8-கே ரெசல்யூஷன் கொண்ட டி.வி.க்களில் இத்தகைய வசதியை இந்நிறுவனம் புகுத்தியுள்ளது. இதில் கூடுதல் சிறப்பாக டால்பி விஷன் ஐகியூ நுட்பமும் உள்ளது.
இது காட்சிகள் எந்த தன்மையில் படமாக்கப்பட்டதோ அதே தரத்துக்கு தானாகவே மாறும் நுட்பமாகும். அதுவும் எத்தகைய வெளிச்ச பின்புலத்தில் படமாக்கப்பட்டதோ அதே அளவிலான வெளிச்சம் டி.வி. உள்ள அறையின் வெளிச்ச அளவுக்கு ஏற்ப மாறுபடும். இதனால் எவ்வித கண் உறுத்தலும் இல்லாமல் தெளிவாகக் காட்சிளைக் கண்டு ரசிக்க முடியும். குறிப்பிட்ட சில நாடுகளில் மட்டுமே இத்தகைய வசதி கொண்ட டி.வி.யை எல்.ஜி. அறிமுகப்படுத்தியுள்ளது.