கிருஷ்ணகிரி மாவட்டத்தில் பெங்களூரு, சேலம், சென்னை உள்பட 5 தேசிய நெடுஞ்சாலைகள் இணைகின்றன. இந்த சாலைகளில் தினமும் லட்சக்கணக்கான வாகனங்கள் செல்கின்றன. இதனால் இந்த சாலைகளில் தினமும் விபத்துக்களும், அடிக்கடி உயிர் இழப்புகளும் நடந்து வருகின்றன.
அந்த வகையில் கடந்த 2022-ம் ஆண்டு மட்டும் இந்த சாலைகளில் மொத்தம் 602 சாலை விபத்துக்கள் நடந்துள்ளன. அதில் மொத்தம் 633 பேர் இறந்துள்ளனர். 593 பேர் படுகாயம் அடைந்துள்ளனர். 1484 பேர் சிறு காயங்களுடன் உயிர் தப்பி உள்ளனர் என போலீசார் தெரிவித்தனர்.