செங்கல்பட்டு கலெக்டர் அலுவலக கூட்டரங்கில் 2022-2023-ம் ஆண்டு சிறப்பாக பணிபுரிந்த ரேஷன்கடை விற்பனையாளர்களுக்கு முதல் பரிசுத் தொகை ரூ.4 ஆயிரம் மற்றும் 2-ம் பரிசு தொகை ரூ.3 ஆயிரம் மற்றும் எடையாளர்களுக்கு முதல் பரிசு தொகை ரூ.3 ஆயிரம் மற்றும் 2-ம் பரிசு தொகை ரூ.2 ஆயிரம் மற்றும் பாராட்டு சான்றிதழ்களை மாவட்ட கலெக்டர் ராகுல் நாத் வழங்கி பாராட்டினார். இதில் செங்கல்பட்டு மண்டல கூட்டுறவு சங்கங்களின் இணைப்பதிவாளர் தமிழ்ச்செல்வி, மாவட்ட வழங்கல் அலுவலர் பேபி இந்திரா மற்றும் அரசு அலுவலர்கள் கலந்துகொண்டனர்.