சென்னை,
மிக்ஜம் புயல் காரணமாக ஏற்பட்ட கனமழையால் சென்னையில் பல்வேறு இடங்களில் மழைநீர் தேங்கியது. இதில் ரெயில் நிலையங்களும் தப்பவில்லை. சென்ட்ரல், எக்மோர் உள்ளிட்ட சென்னையில் உள்ள பல்வேறு ரெயில் நிலையங்களும் வெள்ளத்தில் மிதந்தன. தண்டவாளங்கள் மழைநீரில் மூழ்கி ரெயில் சேவைகளும் கடுமையாக பாதிக்கப்பட்டன.
புறநகர் ரெயில் சேவை மட்டும் இன்றி, சென்னையில் இருந்து கோவை உள்ளிட்ட பிற நகரங்களுக்கு செல்லும் முக்கிய ரெயில்களும் ரத்து செய்யப்பட்டு இருந்தன. இதன் காரணமாக ரெயில்வேக்கு 35 கோடி ரூபாய் வரை வருவாய் இழப்பு ஏற்பட்டுள்ளதாக தெற்கு ரெயில்வே பொது மேலாளர் ஆர்.என்.சிங் தெரிவித்துள்ளார்.
