சென்னை,

தங்கம் விலை கடந்த சில நாட்களாக ஏற்றம், இறக்கம் கண்டு வருகிறது. நேற்று முன்தினம் தங்கம் ஒரு கிராம் ரூ.8 ஆயிரத்து 755-க்கும், பவுன் ரூ.70 ஆயிரத்து 40-க்கும் விற்பனை ஆனது. நேற்று கிராமுக்கு ரூ.45 குறைந்து ரூ.8 ஆயிரத்து 710-க்கும், பவுனுக்கு ரூ.360 குறைந்து பவுன் ரூ.69 ஆயிரத்து 680-க்கு விற்பனை செய்யப்பட்டது.

தங்கத்தை போன்று வெள்ளியின் விலையும் குறைந்துள்ளது. நேற்று முன்தினம் ஒரு கிராம் வெள்ளி ரூ.109 ஆகவும், கிலோவுக்கு ரூ.1 லட்சத்து 9 ஆயிரமாகவும் இருந்தது. இது நேற்று கிராமுக்கு ரூ.1 குறைந்து ரூ.108-க்கும், கிலோவுக்கு ரூ.1,000 குறைந்து ரூ.1 லட்சத்து 8 ஆயிரத்துக்கும் விற்பனை செய்யப்பட்டது.

இந்த நிலையில், இன்று தங்கம் விலை அதிரடியாக உயர்ந்துள்ளது. அதன்படி, பவுனுக்கு ரூ.1,760 உயர்ந்து ஒரு பவுன் ரூ.71,440-க்கு விற்பனை செய்யப்படுகிறது. கிராமுக்கு ரூ.220 உயர்ந்து ஒரு கிராம் ரூ.8,930-க்கு விற்பனையாகிறது. தங்கத்தை தொடர்ந்து வெள்ளி விலையும் இன்று உயர்ந்துள்ளது. கிராமுக்கு ரூ.3 உயர்ந்து ஒரு கிராம் வெள்ளி ரூ.111-க்கும், கிலோவுக்கு ரூ.3,000 உயர்ந்து ரூ.1 லட்சத்து 11 ஆயிரத்துக்கும் விற்பனை செய்யப்படுகிறது.