சென்னை,
சென்னையை அடுத்த புழலில் உள்ள டாக்டர் சிவந்தி ஆதித்தனார் மெட்ரிக் மேல்நிலைப் பள்ளியில், தேசிய அறிவியல் தினமான இன்று வினாடி வினா போட்டி, அறிவியல் கண்காட்சிக்கு ஏற்பாடு செய்யப்பட்டிருந்தது.
1 முதல் 5-ம் வகுப்பு வரையிலான மாணவ-மாணவிகள் இந்த நிகழ்ச்சிகளில் பங்கேற்றனர். 5 அணிகள் பங்கேற்ற வினாடி வினா போட்டியில், சர் சி.வி.ராமன் அணி வெற்றி பெற்றது. அறிவியல் கண்காட்சியில், சுமார் 50 மாணவ-மாணவிகள் வடிவமைத்த பொருட்கள் இடம்பெற்றிருந்தன. நிகழ்ச்சியில், சென்னை வாழ் நாடார்கள் சங்க பொதுச் செயலாளர் செல்வக்குமார், பள்ளி முதல்வர் ராஜராஜேஸ்வரி ஆகியோர் பங்கேற்றனர். நிகழ்ச்சிக்கான ஏற்பாடுகளை அறிவியல் ஆசிரியைகள் பிரவீணா, பிரேமா ஆகியோர் செய்திருந்தனர்.