சுரங்கப்பாதைகளில் தேங்கிய மழைநீர் இரவே சரிசெய்யப்படும்- அமைச்சர் கே.கே.எஸ்.எஸ்.ஆர். ராமச்சந்திரன்

சென்னை,

சென்னையில் அமைச்சர் கே.கே.எஸ்.எஸ்.ஆர். ராமச்சந்திரன் செய்தியாளர்கள் சந்திப்பில் கூறியதாவது;

சென்னையில் மழை மற்றும் காற்றின் வேகம் குறைந்துள்ளது. முந்தைய புயல்களை போல் இந்த புயல் பெரிய பாதிப்பை ஏற்படுத்தவில்லை. சென்னை வானிலை ஆய்வு மையம் சரியான அளவில் சிறப்பாக செயல்பட்டு வருகிறது.

சென்னையில் 143 முகாம்களில் 4,990 நபர்கள் தங்கவைக்கப்பட்டு உள்ளனர். 3 லட்சம் நபர்களுக்கு உணவு வழங்கப்பட்டுள்ளது. சென்னையில் தேங்கியுள்ள மழை நீரை அகற்றும் பணிகள் நடந்து வருகிறது. சென்னையில் உள்ள 21 சுரங்கப்பாதைகளில் 7 சுரங்கப்பாதைகள் மூடப்பட்டுள்ளன. சுரங்கப்பாதையில் தேங்கியுள்ள மழை நீர் இன்று இரவே வெளியேற்றப்படும்.

மின்சாரம் துண்டிப்பு புகார்கள் உடனடியாக சரி செய்யப்பட்டு வருகிறது. இயற்கையை மீறி ஒன்றும் செய்ய முடியாது. பொதுமக்கள் பாதிக்காத வகையில் நடவடிக்கை எடுக்கப்பட்டுள்ளது."

இவ்வாறு அவர் கூறினார்.