சேலம்,
தமிழக சட்டசபை தேர்தல் வியாழக்கிழமை விறுவிறுப்பாக நடைபெற்றது. காலை 7 மணிக்கு தொடங்கிய வாக்குப்பதிவு மாலை 6 மணிவரை நடைபெற்றது. வரலாறு படைத்த 2026 தேர்தல் தமிழகத்தில் மாலை 6 மணி நிலவரப்படி 84.69% வாக்குப்பதிவு. தமிழகம் முழுவதும் 4.85 கோடி பேர் வாக்களித்துள்ளனர். 2021 தேர்தலை விட 25 லட்சம் வாக்குகள் கூடுதலாக பதிவாகி உள்ளது.
சேலம் மாவட்டத்தில் அமைந்துள்ள ஏற்காடு சட்டமன்ற தொகுதி தேர்தலில் முக்கிய கட்சிகளின் வேட்பாளர்களாக இங்கு ரேவதி மாதேஸ்வரன் (திமுக), உஷாராணி (அஇஅதிமுக), ஜே.லட்சுமி (த.வெ.க), மற்றும் பழனிசாமி (நாதக). ஆகியோர் களத்தில் உள்ளனர்.
சேலம் மாவட்டத்தின் தனி தொகுதியான ஏற்காடு சட்டமன்ற தொகுதி தாலுகாவில் உள்ள 49 வாக்கு சாவடிகளில் நேற்று காலை 7 மணி முதல் வாக்கு பதிவு தொடங்கி மாலை 6 மணி வரை வாக்கு பதிவு நடைபெற்றது. இதில் ஏற்காடு தாலுகா முழுவதும் 13,980 ஆண் வாக்காளர்களும் , 14,497 பெண் வாக்காளர்களும் மற்றும் மூன்றாம் பாலினத்தவர் ஒருவர் என மொத்தம் 28478 வாக்காளர்கள் வாக்களித்தனர்.
இதில் ஏற்காடு சட்டமன்ற தொகுதியில் வரும் கொம்பு தூக்கி மலை கிராமத்தில் 301 வாக்குகள் உள்ளது. இந்த 301 வாக்குகளும் பதிவாகி 100 சதவிகிதம் வாக்கு பதிவுகளை பெற்று அசர வைத்த மலை கிராம மக்கள்.
இதனால் மொத்தமாக ஏற்காடு சட்டமன்ற தாலுக்காவில் 94 சதவிகிதம் வாக்குகள் பதிவாகியுள்ளது.
