ஒட்டன்சத்திரம் அருகே இடையக்கோட்டையில் பிரசித்தி பெற்ற முகையதீன் ஆண்டவர் தர்கா உள்ளது. இங்கு சந்தனக்கூடு உரூஸ் விழா நேற்று மாலை கொடியேற்றத்துடன் தொடங்கியது. இதையொட்டி புனிதகொடி ஊர்வலம் முக்கிய தெருக்கள் வழியாக சென்று, தர்காவுக்கு கொண்டு வரப்பட்டு கொடியேற்றப்பட்டது.
வருகிற 25-ந்தேதி மாலை போர்வை, வாசனை மாலையுடன் ஊர்வலம் நடக்கிறது. இதைத்தொடர்ந்து 26, 27, 28-ந் தேதிகளில் சந்தனக்கூடு உரூஸ் விழா நடைபெறுகிறது. இந்த 3 நாட்களிலும், இஸ்லாமிய இன்னிசை கச்சேரி நடைபெறும் என்பது குறிப்பிடத்தக்கது.