வாஷிங்டன்,
அமெரிக்காவின் அலபாமா மாகாணம் ஷெல்பி நகரில் மலையேறும் பயிற்சியில் ஈடுபட்டிருந்த மலையேற்ற வீரர் ஒருவருக்கு திடீர் நெஞ்சுவலி ஏற்பட்டது. இதையடுத்து, அவரை சிகிச்சைக்கு அழைத்து செல்வதற்காக ஹெலிகாப்டர் ஒன்று அவர் இருக்கும் இடத்துக்கு புறப்பட்டு சென்றது. ஹெலிகாப்டரில் விமானி உள்பட 4 மருத்துவ ஊழியர்கள் இருந்தனர்.
கிளம்பிய சிறிது நேரத்தில் ஹெலிகாப்டர் திடீரென விமானியின் கட்டுப்பாட்டை இழந்தது. அதை தொடர்ந்து ஹெலிகாப்டர் தரையில் விழுந்து நொறுங்கியது. இதில் 2 பேர் சம்பவ இடத்திலேயே பலியாகினர். 2 பேர் பலத்த காயம் அடைந்தனர். அவர்கள் மீட்கப்பட்டு சிகிச்சைக்காக அருகில் உள்ள ஆஸ்பத்திரியில் சேர்க்கப்பட்டனர்.
