புளோரிடா,
புளோரிடா கடற்பகுதியில் இரண்டு வெவ்வேறு படகுகளில் இருந்து காணாமல் போன 16 பேரை அமெரிக்க கடலோர காவல்படையினர் தீவிரமாக தேடி வருகின்றனர்.
முன்னதாக ஒரு படகு கவிழ்ந்த விபத்தில் சிக்கிய ஒரு நபரை இரண்டு நாட்களுக்குப் பின்னர் கடலோர காவல்படையினர் மீட்டனர். அந்த நபர் கோட்டை பியர்ஸ் கடற்கரையில் இருந்து சுமார் 23 மைல் தொலைவில் கண்டுபிடிக்கப்பட்டார்.
ஜமைக்காவைச் சேர்ந்த அந்த நபரை கடலோர காவல்படை மீட்டு மருத்துவமனைக்கு அழைத்துச் சென்றனர். அப்போது அந்த நபர் கடலோர காவல்படையிடம், அவருடன் சேர்ந்து மேலும் 6 பேரும் அந்த கவிழ்ந்த படகில் இருந்ததாகவும், அந்த படகு பஹாமாசின் பிமினியில் இருந்து புறப்பட்டதாகவும் கூறினார்.
இதேபோல இரண்டாவது சம்பவமாக கீ வெஸ்டின் கடற்கரையிலிருந்து இருந்து சென்ற 6-அடி தற்காலிக கப்பல் ஒன்று கடலில் காணாமல் போயுள்ளதாக கடலோர காவல்படை தெரிவித்துள்ளது. இந்த கப்பல் கியூபாவின் ஹவானாவில் இருந்து 10 பேருடன் புறப்பட்டதாக தெரிவிக்கப்பட்டுள்ளது. இந்த கப்பல் காணாமல் போனது எப்படி என்பது குறித்து தெளிவான தகவல் எதுவும் வெளியாகவில்லை.