மாஸ்கோ,
உலகம் முழுவதும் கொரோனா வைரஸ் தொற்றால் இதுவரை 49,42,776 பேர் பாதிக்கப்பட்டுள்ளனர். வைரஸ் தொற்றுக்கு இதுவரை 3,21,991 பேர் உயிரிழந்துள்ளனர். உலகை அச்சுருத்தி வரும் கொரோனா வைரஸ், ரஷ்ய நாட்டிலும் கோரத்தாண்டவம் ஆடி வருகிறது.
கொரோனாவால் அதிகம் பாதிக்கப்பட்ட நாடுகளின் வரிசையில் தற்போது அமெரிக்கா முதலிடத்திலும் (15,57,770 பேர்), ரஷ்யா இரண்டாவது இடத்திலும் உள்ளன.
இந்நிலையில் அங்கு கடந்த 24 மணி நேரத்தில் மேலும் 9,263 பேருக்கு கொரோனா தொற்று உறுதிசெய்யப்பட்டுள்ளது. இதன்மூலம் ரஷ்யாவில் வைரஸ் தொற்றால் பாதிக்கப்பட்டோர் எண்ணிக்கை தற்போது 2,99,941 ஆக அதிகரித்துள்ளது. மேலும் கொரோனா தொற்றுக்கு மேலும் 115 பேர் உயிரிழந்ததால், அங்கு பலியானோர் எண்ணிக்கை 2,837 ஆக அதிகரித்துள்ளது. கொரோனா தொற்றில் இருந்து 76,130 பேர் முழுமையாக சிகிச்சை பெற்று குணமடைந்து வீடு திரும்பியுள்ளனர்.