பழங்களை தோலுடன் சாப்பிடுவதால் கிடைக்கும் நன்மைகள்!

பழங்களை தோலோடு சாப்பிடுவதுதான் நல்லது. பழங்களைப் பிழிந்து, வடிகட்டி, சாற்றை மட்டும் குடிக்கும்போது பல சத்துக்கள் கிடைப்பதில்லை

குறிப்பாக சப்போட்டா, மாம்பழம், திராட்சை, கொய்யா, ஆப்பிள், சாத்துக்குடி போன்ற பழங்களின் தோலில் அதிக நார்ச்சத்து இருக்கிறது.

ஆப்பிள் தோலில் கால்சியம், பொட்டாசியம், தாதுக்களும் வைட்டமின் ஏ, சி சத்துக்களும் நார்ச்சத்தும் அதிகம். இதில் ஆன்டி-ஆக்ஸிடன்ட் சத்தும் உள்ளது.

கொய்யா பழத்தோலில் சருமத்தைக் காக்கும் வைட்டமின்கள் பல உள்ளன. இதை தொடர்ந்து சாப்பிட்டால் சருமத்தில் வறட்சி ஏற்படுவது தடுக்கப்படுகிறது.

சப்போட்டா பழத் தோலில் உடலில் காயங்களை விரைந்து ஆற்றும் குணமுள்ள வேதிப்பொருட்கள் நிரம்பியுள்ளன. உடலில் தீங்கு செய்யும் பாக்டீரியாக்களை அழிக்கும் குணமும் உண்டு.

வாழைப்பழத் தோலில் கால்சியமும் யூரிக் அமிலத்தைச் சமப்படுத்தும் ஆற்றல் உள்ள செலினியம் போன்ற தாதுக்களும் உள்ளன. இதில் உள்ள நார்ச்சத்து மலச்சிக்கலைப் போக்க உதவுகிறது.

திராட்சையைத் தோலுடன் சாப்பிடும்போது அதிலுள்ள சத்துக்கள் முழுவதுமாகக் கிடைக்கும். அதே வேளையில் சாறு பிழிந்து குடித்தால், பல சத்துக்கள் குறைந்துவிடும்.