சிறுநீரகங்களுக்கு சேதம் விளைவிக்கும் தினசரி பழக்கங்கள்!

தண்ணீர் பருகாதது: மிக குறைவாக தண்ணீர் குடிப்பது நீரிழப்புக்கு வித்திடும். அதனால் நச்சுக்களை வடிகட்டும் சிறுநீரகங்களின் செயல்பாடு கடும் பாதிப்புக்குள்ளாகிறது. நாள் முழுவதும் 2 முதல் 3 லிட்டர் தண்ணீர் பருகுவது நல்லது. credit: freepik

வலி நிவாரணிகளை அதிகமாகப் பயன்படுத்துதல்: வலி நிவாரணிகள் தற்காலிகமாக வலியை குறைக்கலாம். ஆனால் சிறுநீரக திசுக்களுக்கு தீங்கு விளைவிக்கும். எனவே அவசர, தேவையின்போது மட்டுமே அவற்றை பயன்படுத்த வேண்டும். credit: freepik

உப்பு அதிகம் சேர்த்தல்: உண்ணும் உணவு மற்றும் பலகாரங்களில் அதிகப்படியான உப்பு கலந்திருப்பது சிறுநீரகங்களை கடினமாக உழைக்கச் செய்துவிடும். ரத்த அழுத்தத்தையும் அதிகப்படுத்தி விடும். இவையே சிறுநீரக நோய்க்கு முக்கிய காரணமாகும். credit: freepik

பரிசோதனை செய்யாமல் இருத்தல்: நீரிழிவு மற்றும் உயர் ரத்த அழுத்தம் இவை இரண்டும் சிறுநீரகங்களுக்கு அதிக ஆபத்தை விளைவிக்கக்கூடியவை. சிறுநீரகங்களை நீண்ட ஆயுளுடன் பாதுகாக்க குறிப்பிட்ட இடைவெளியில் நீரிழிவு, ரத்த அழுத்த பரிசோதனை மேற்கொள்வது அவசியமானது. credit: freepik

சிறுநீரை அடக்குதல்: சிறுநீரை அடக்கி வைப்பது சிறுநீர்ப்பை மற்றும் சிறுநீரகங்களின் செயல்பாட்டை சீர்குலைத்து விடும். இதே பழக்கம் தொடர்ந்தால் சிறுநீரக கற்களோ, சிறுநீரக தொற்றோ ஏற்படக்கூடும். credit: freepik

புரத உணவுகள் அதிகம் உட்கொள்ளுதல்: உடல் தசைகளின் ஆரோக்கியத்தை பேணுவதற்கு புரதம் மிக முக்கியமானது. அதேவேளையில் அதிக புரதம் உட்கொள்வது ஆபத்தானது. குறிப்பாக சிவப்பு இறைச்சி, பதப்படுத்தப்பட்ட உணவுகளில் இருந்து பெறப்படும் புரதம் நாளடைவில் சிறுநீரகங்களுக்கு அழுத்தத்தை ஏற்படுத்தும். credit: freepik

தூக்கமின்மையால் அவதிப்படுதல்: தூக்கமின்மையால் அவதிப்படுவது சிறுநீரக செயல்பாட்டையும், ஹார்மோன் ஒழுங்கு முறையையும் சீர்குலைக்கும். சிறுநீரகங்களின் சீரான செயல்பாட்டிற்கு இரவில் குறைந்தபட்சம் 7 மணி நேரமாவது தூங்குவது நல்லது. credit: freepik

புகைப்பழக்கம்: புகைப்பிடிப்பது சிறுநீரகங்களுக்கு செல்லும் ரத்த ஓட்டத்தை குறைத்து சிறுநீரக நோய்களுக்கு வழிவகுத்துவிடும். credit: freepik