சுவையான பலாப்பழ கருப்பட்டி தேங்காய் பர்பி!

தேவையான பொருட்கள்: பலாச்சுளை - 1 கப், கருப்பட்டி - 3/4 கப், துருவிய தேங்காய், நெய் - தேவையான அளவு

செய்முறை: முதலில் பலாச்சுளைகளை கொட்டை நீக்கி எடுத்துக்கொள்ளவும். அதை மிக்சி ஜாரில் போட்டு அரைக்கவும்.

ஒரு பாத்திரத்தில் சுத்தமான கருப்பட்டியை சேர்த்து தண்ணீர் ஊற்றி பாகு பதத்துக்கு காய்ச்சவும்.

வாணலியில் நெய் ஊற்றி, தேங்காய் துருவலை நன்கு வறுத்து, அதனுடன் அரைத்து வைத்துள்ள பலாச்சுளை கலவையை கொட்டி நன்கு கிளறவும்.

கருப்பட்டி பாகை வடிகட்டி இதில் சேர்த்துக் கொள்ளவும். அவ்வப்போது நெய் ஊற்றி கிளற வேண்டும்.

எல்லாம் சேர்ந்து நன்கு வெந்து சுருண்டு வரும்போது, நெய் தடவிய தட்டில் ஊற்றி பர்பிகளாக துண்டு போடவும்.

இப்பொது அருமையான, சுவையான பலாப்பழ கருப்பட்டி தேங்காய் பர்பி ரெடி.