சுவையான நுங்கு பாயசம் செய்முறை!

தேவையான பொருட்கள்: நுங்கு, பசும்பால், மில்க்மெய்டு, சர்க்கரை, ஏலக்காய்த் தூள், பாதாம் பருப்பு துருவல்

செய்முறை: முதலில் ஒரு பெரிய பாத்திரத்தில் பாலை ஊற்றி கொதிக்க வைக்க வேண்டும்.

ஏலக்காய் மற்றும் பாதாம் பருப்பை மென்மையான கலவையாக அரைத்து வைத்துக்கொள்ள வேண்டும்.

கொதிக்கும் பாலில் சர்க்கரையைச் சேர்த்து நன்கு கலக்க வேண்டும்.

பிறகு மில்க்மெய்டை ஊற்றி 15 நிமிடங்கள் 'சிம்'மில் வைத்து கிளறி, ஏலக்காய் மற்றும் நுங்குகளை சிறு சிறு துண்டுகளாக்கி போடவும்.

அடுப்பில் இருந்து இறக்கியவுடன் பாதாம் துருவலை கலக்கவும். சுவையான நுங்கு பாயசம் தயார்.

இதை குளிர்பதன பெட்டியில் (பிரிட்ஜ்) வைத்து பரிமாறினால் சுவை இன்னமும் அதிகமாக இருக்கும்.