இரவு நேர வேலை செய்பவர்களுக்கு ஆரோக்கியமான உணவு முறை!

இரவு நேரம் பணியாற்றுபவர்கள், உணவு பழக்க வழக்கத்தில் கவனமாக இருக்கவேண்டும். அதில் சில முக்கியமான, உணவு பழக்க மாற்றங்கள் இதோ..

இரவில் வேலைக்கு செல்வதற்கு முன்பாக எண்ணெய்யில் வறுத்த உணவுகளை சாப்பிடுவதை தவிர்க்க வேண்டும். அது இரைப்பைக்கும் பாதிப்பை ஏற்படுத்திவிடும்.

இரவு நேரத்தில் பசி உணர்வு அதிகமாக இருக்கும். பசியை போக்குவதற்கு சமோசா, பர்கர் போன்றவற்றை சாப்பிடக்கூடாது.

சிலர் டீ, காபி வகைகளை குறிப்பிட்ட நேர இடைவெளியில் தொடர்ந்து பருகுவதை வழக்கமாக கொண்டிருப்பார்கள். அதற்கு பதிலாக தண்ணீர் மற்றும் ஜூஸ் வகைகள் பருகலாம்.

பழங்கள், காய்கறிகள், கோதுமை பிரெட்டுகள், உலர் திராட்சை, தானிய வகை சாலட்டுகள், அவித்த முட்டை, முளைகட்டிய தானியங்கள் போன்றவற்றை சாப்பிடலாம்.

இரவில் பசி எடுக்கக்கூடாது என்பதற்காக இரவு உணவை தாமதமாக உட்கொள்வது தவறு. இரவு 7.30 மணி முதல் 8 மணிக்குள் சாப்பிட்டு விட வேண்டும்.

இரவில் அதிகம் சாப்பிடுவதையும் தவிர்க்க வேண்டும். அரிசி சாதம், பருப்பு குழம்பு, தீயில் வேகவைக்கப்படும் கோழி இறைச்சி உள்ளிட்ட புரதம் மற்றும் நார்ச்சத்து நிறைந்த உணவுகளை உண்ண வேண்டும்.

இரவில் விழித்திருக்கும்போது உடலில் வறட்சி தன்மை தோன்றும். அதை போக்க ஒரு டீஸ்பூன் நெய் சாப்பிடுவது நல்லது.