எலும்புகளை உறுதியாக்கும் கிவி ஜூஸ்..!

தேவையான பொருட்கள்: கிவிப் பழங்கள் - 4, தேன், ஐஸ் கட்டிகள் - சிறிதளவு.

செய்முறை: கிவிப் பழத்தைச் தோல் நீக்கி, துண்டுகளாக நறுக்க வேண்டும். சிறிதளவு தேன் மற்றும் ஐஸ் கட்டிகள் சேர்த்து, மிக்ஸியில் அரைத்து வடிகட்டாமல் அருந்த வேண்டும்.

பலன்கள் : ஒரு கப் கிவி ஜூஸில் ஒரு நாளைக்குத் தேவையான அளவைவிட வைட்டமின்-சி அதிகமாக இருக்கிறது.

கிவிப் பழத்தில் ஃபோலிக் அமிலம், தாமிரம், மக்னீசியம் மற்றும் வைட்டமின் ஏ, சி, இ, கே நிறைந்துள்ளன.

கிவி ஜூஸை சீரான இடைவெளியில் அருந்தி வந்தால், எலும்புகள் உறுதிப்படும். நினைவாற்றல் அதிகரிக்கும்.

ஓமேகா – 3 மற்றும் பேட்டி ஆசிட் இதில் இருக்கிறது. உடல் எடையைக் குறைக்க நினைப்பவர்களுக்கு ஏற்றது.

இதய நோய்களில் இருந்து காக்கும், நரம்பு மண்டலத்தில் பிரச்சினைகள் ஏற்படுவதைத் தடுக்கும்.

குறிப்பு :சர்க்கரை நோயாளிகள் மருத்துவர் ஆலோசனைப்படி இதை அருந்த வேண்டும்.