வசாய்,
பால்கர் மாவட்டம் தகானு தாலுகா பாவ்டா கிராமத்தில் கடந்த சில தினங்களாக சிறுத்தைப்புலி நடமாட்டம் காணப்படுகிறது. மேலும் அருகே உள்ள கனிக்பாடா, தோண்டிபாடா பகுதியை சேர்ந்த இளைஞர்கள் கடந்த 9-ந்தேதி முதல் இப்பகுதியில் சிறுத்தைப்புலி நடமாட்டத்தை பார்த்து உள்ளனர். இதனால் பாவ்டா கிராம மக்கள் பீதியில் உறைந்து போய் உள்ளனர். மேலும் இதுபற்றி வனத்துறையினருக்கு தகவல் தெரிவித்தனர். முன்னெச்சரிக்கை நடவடிக்கையாக கடந்த 2 நாட்களாக பாவ்டா கிராம பள்ளி மூடப்பட்டது. மேலும் வயதானவர்கள், குழந்தைகள் இரவு நேரத்தில் வெளியில் நடமாட வேண்டாம் என வனத்துறை அதிகாரிகள் வேண்டுகோள் விடுத்துள்ளனர். அந்த சிறுத்தைப்புலியை கூண்டு வைத்து பிடிக்கவும் நடவடிக்கை எடுத்துள்ளனர்.
