உலகக்கோப்பை கால்பந்து: வேல்ஸ் அணியை வீழ்த்தி இங்கிலாந்து அபார வெற்றி..!!

தோகா,

உலகக் கோப்பை கால்பந்து திருவிழாவில் நேற்று நள்ளிரவு தோகாவில் உள்ள அகமது பின் அலி ஸ்டேடியத்தில் நடந்த 'பி' பிரிவு லீக் ஆட்டத்தில் இங்கிலாந்து மற்றும் வேல்ஸ் அணிகள் மோதின.

பரபரப்பாக நடந்த போட்டியில் ஆட்டத்தின் 50-வது நிமிடத்தில் மார்கஸ் ராஷ்போர்டு தனது அணிக்கான முதல் கோலை அடித்து அசத்தினார். அவரைத்தொடர்ந்து அதே அணியில் இருந்து பில் போடன் 51-வது நிமிடத்தில் அணிக்கான இரண்டாவது கோலை பதிவு செய்தார்.

இங்கிலாந்து ரசிகர்களுக்கு மேலும் மகிழ்ச்சியான தருணமாக மார்கஸ் ராஷ்போர்டு தனது இரண்டு முறை கோல் அடிக்க இங்கிலாந்து 3-0 என வேல்ஸை வீழ்த்தி அதிரடி வெற்றியை பதிவு செய்தது. இங்கிலாந்து அணிக்கு எதிராக கோல் அடிக்க வேல்ஸ் அணி எடுத்துக்கொண்ட முயற்சிகள் அனைத்தும் பலனளிக்காமல் போனது.

இந்த வெற்றியின் மூலம் பி பிரிவில் முதல் அணியாக அடுத்த சுற்றுக்கு இங்கிலாந்து தகுதிபெற்றது.