தோகா,
உலகக் கோப்பை கால்பந்து தொடரில் நேற்றிரவு 'எப்' பிரிவில் நடந்த ஆட்டத்தில் குரோஷியா- கனடா அணிகள் சந்தித்தன. ஆட்டம் தொடங்கிய 68-வது வினாடியில் கனடாவின் அல்போன்சா டேவிஸ் தலையால் முட்டி கோல் அடித்து அதிர்ச்சி அளித்தார்.
இந்த உலகக் கோப்பையின் அதிவேக கோல் இது தான். இதன் பிறகு சுதாரித்து மீண்ட குரோஷிய அணி பதிலடி கொடுத்தது. ஆந்த்ரேஜ் கிராமரிச் (36 மற்றும் 70-வது நிமிடம்), மார்கோ லிவஜா (44-வது நிமிடம்) லாவ்ரோ மஜேர் (90-வது நிமிடம்) ஆகியோர் குரோஷிய அணியில் கோல் போட்டு 4-1 என்ற கோல் கணக்கில் வெற்றியை தேடித்தந்தனர். 4 புள்ளிகளுடன் குரோஷியா அடுத்த சுற்று வாய்ப்பை தக்க வைத்தது. 2-வது தோல்வியை தழுவிய கனடா போட்டியை விட்டு வெளியேறியது.
