பிக்பாஷ் கிரிக்கெட்டில் கிறிஸ் லின் சிக்சர் மழை

சிட்னி,

பிக்பாஷ் 20 ஓவர் கிரிக்கெட் போட்டி ஆஸ்திரேலியாவில் நடந்து வருகிறது. இதில் சிட்னியில் நேற்றிரவு நடந்த ஒரு ஆட்டத்தில் பிரிஸ்பேன் ஹீட்-சிட்னி சிக்சர்ஸ் அணிகள் மோதின. முதலில் பேட் செய்த பிரிஸ்பேன் ஹீட் அணி 4 விக்கெட் இழப்புக்கு 209 ரன்கள் குவித்தது. கேப்டன் கிறிஸ் லின் 94 ரன்கள் (35 பந்து, 4 பவுண்டரி, 11 சிக்சர்) நொறுக்கினார். தொடர்ந்து ஆடிய சிட்னி சிக்சர்ஸ் அணி 20 ஓவர்களில் 7 விக்கெட்டுக்கு 161 ரன்கள் மட்டுமே எடுத்து 48 ரன்கள் வித்தியாசத்தில் தோல்வியை தழுவியது.

சிக்சர் மழை பொழிந்து ரசிகர்களுக்கு விருந்து படைத்த 29 வயதான கிறிஸ் லின், ஐ.பி.எல். கிரிக்கெட்டில் கொல்கத்தா நைட் ரைடர்ஸ் அணியில் இடம் பிடித்திருந்தார். அவரை அந்த அணி நிர்வாகம் கழற்றி விட்டதால் இப்போது அவரை ரூ.2 கோடிக்கு மும்பை இந்தியன்ஸ் வாங்கியிருப்பது குறிப்பிடத்தக்கது.