பெங்களூரு,
ஐ.பி.எல். கிரிக்கெட்டில் பங்கேற்கும் 8 அணிகளில் ஒன்றான பெங்களூரு ராயல் சேலஞ்சர்ஸ் அணியில் இடம் பிடித்திருந்த வேகப்பந்து வீச்சாளர் நாதன் கவுல்டர்-நிலே (ஆஸ்திரேலியா) காயத்தால் விலகியுள்ளார். இதையடுத்து அவருக்கு பதிலாக நியூசிலாந்து ஆல்-ரவுண்டர் கோரி ஆண்டர்சனை அடிப்படை விலையான ரூ.2 கோடிக்கு பெங்களூரு அணி ஒப்பந்தம் செய்துள்ளது. இதற்கு ஐ.பி.எல். தொழில் நுட்ப கமிட்டி ஒப்புதல் அளித்துள்ளது. ஐ.பி.எல். கிரிக்கெட்டில் மும்பை, டெல்லி அணிக்காக ஆடியுள்ள 27 வயதான கோரி ஆண்டர்சனை ஜனவரி மாதம் நடந்த ஏலத்தில் யாரும் எடுக்கவில்லை. இப்போது மாற்று வீரர் அதிர்ஷ்டத்தில் மறுபடியும் ஐ.பி.எல்.-ல் ஆட இருக்கிறார்.