ஜூலை மாத ஐசிசி விருதுகளை அள்ளிய வெஸ்ட் இண்டீஸ்: ஜஸ்டின் கிரீவ்ஸ், ஹேலி மேத்யூஸ் சாதனை

ஜஸ்டின் கிரீவ்ஸ், தனது சர்வதேச கிரிக்கெட் வாழ்க்கையில் முதல் முறையாக இந்த விருதை வென்றுள்ளார்.

2026 ஜூலை மாதத்திற்கான சர்வதேச கிரிக்கெட் கவுன்சிலின் (ICC) சிறந்த வீரர் மற்றும் வீராங்கனை விருதுகளை வெஸ்ட் இண்டீஸ் அணியைச் சேர்ந்த ஜஸ்டின் க்ரீவ்ஸ் மற்றும் கேப்டன் ஹேலி மேத்யூஸ் ஆகியோர் தட்டிச் சென்றுள்ளனர்.

Published on:

18 Aug 2026, 12:34 pm

சென்னை,

2026 ஜூலை மாதத்திற்கான சர்வதேச கிரிக்கெட் கவுன்சிலின் (ICC) சிறந்த வீரர் மற்றும் வீராங்கனை விருதுகளை வெஸ்ட் இண்டீஸ் அணியை சேர்ந்த ஜஸ்டின் க்ரீவ்ஸ் மற்றும் ஹேலி மேத்யூஸ் ஆகியோர் தட்டி சென்றுள்ளனர்.

முதல் முறை

இந்த விருதுகள் தொடங்கப்பட்ட 2021 ஜனவரிக்குப் பிறகு, ஒரே நாட்டின் ஆண் மற்றும் பெண் வீரர்கள் இருவருமே ஒரே மாதத்தில் இந்த விருதை வெல்வது இது 5வது முறையாகும். வெஸ்ட் இண்டீஸ் நாட்டிற்கு இதுவே முதல் முறை.

இதற்கு முன்பு இந்தியா இரு முறை, இலங்கை மற்றும் தென் ஆப்பிரிக்கா தலா ஒரு முறை இந்த சாதனையை படைத்துள்ளன. தற்போது இந்த பட்டியலில் வெஸ்ட் இண்டீஸும் இணைந்துள்ளது. வெஸ்ட் இண்டீஸ் ஆல்-ரவுண்டர் ஜஸ்டின் க்ரீவ்ஸ், தனது சர்வதேச கிரிக்கெட் வாழ்க்கையில் முதல் முறையாக இந்த விருதை வென்றுள்ளார்.