கராச்சி,
ரோகித் சர்மா தலைமையிலான இந்திய கிரிக்கெட் அணி இங்கிலாந்து மண்ணில் சுற்றுப்பயணம் செய்து 20 ஓவர் தொடரில் விளையாடி வருகிறது. நேற்று நடைபெற்ற 2-வது 20 ஓவர் போட்டியில் வெற்றி பெற்றதன் மூலம் இந்திய அணி தொடரை 2-0 என்ற கணக்கில் கைப்பற்றியது.
இந்த நிலையில் இந்தாண்டு நடைபெறவுள்ள 20 ஓவர் உலகக்கோப்பை தொடரை இந்திய அணி வெல்ல வாய்ப்புள்ளதாக பாகிஸ்தான் அணியின் முன்னாள் கேப்டன் சாகித் அப்ரிடி தெரிவித்துள்ளார். இது குறித்து அவர் தெரிவித்ததாவது :
இந்தியா சிறப்பான கிரிக்கெட்டை விளையாடி வருகிறது. இங்கிலாந்து தொடரை வெல்ல அவர்கள் தகுதியானவர்கள். அவர்கள் சிறப்பான பந்துவீச்சை கொண்டுள்ளனர். ஆஸ்திரேலியாவில் நடக்கும் டி20 உலகக் கோப்பையை இந்திய அணி வெல்ல வாய்ப்புள்ளது.
இவ்வாறு அவர் தெரிவித்தார்.