சென்னை,
தமிழ்நாடு சீனியர் ஆண்கள் கிரிக்கெட் அணியின் தலைமை பயிற்சியாளராக முன்னாள் முதல் தர கிரிக்கெட் வீரரான 56 வயது சுலக்ஷன் குல்கர்னி நியமிக்கப்பட்டுள்ளார்.
அவரை கிரிக்கெட் கமிட்டியின் பரிந்துரையின் பேரில் 2023-24 மற்றும் 2024-25-ம் ஆண்டு சீசனுக்கான தமிழக அணியின் தலைமை பயிற்சியாளராக நியமிக்க தமிழ்நாடு கிரிக்கெட் சங்க உயர்மட்ட கமிட்டி கூட்டத்தில் நேற்று முடிவு எடுக்கப்பட்டது என்று அதன் செயலாளர் ஆர்.ஐ.பழனி தெரிவித்துள்ளார். சுலக்ஷன் குல்கர்னி மும்பை, விதர்பா அணிகளின் பயிற்சியாளராக பணியாற்றி இருக்கிறார்.