துபாய்,
20 ஓவர் உலக கோப்பை கிரிக்கெட் போட்டி அக்டோபர் 17 ஆம் தேதி முதல் நவம்பர் 14 ஆம் தேதி வரை ஐக்கிய அரபு அமீரகம் மற்றும் ஓமனில் நடைபெறுகிறது. இந்த தொடருக்கான இங்கிலாந்து அணியில் ஆல்ரவுண்டர் சாம் கர்ரன் இடம் பெற்றிருந்தார் .
தற்போது ஐ.பி.எல். போட்டியில் சென்னை சூப்பர் கிங்ஸ் அணிக்காக விளையாடி வரும் இவருக்கு, கடந்த அக்டோபர் 2 ஆம் தேதி நடந்த சென்னை- ராஜஸ்தான் அணிகளுக்கிடையிலான போட்டியில் முதுகு பகுதியில் காயம் ஏற்பட்டது.
இந்த நிலையில் சாம் கர்ரன் 20 ஓவர் உலக கோப்பை கிரிக்கெட் தொடரிலிருந்து விலகியுள்ளதாக இங்கிலாந்து கிரிக்கெட் வாரியம் தெரிவித்துள்ளது. அவருக்கு பதிலாக டாம் கர்ரன் அணியில் சேர்க்கப்பட்டுள்ளதாகவும் தெரிவிக்கப்பட்டுள்ளது.