அபுதாபி,
7-வது 20 ஓவர் உலக கோப்பை கிரிக்கெட் போட்டியில் அபுதாபியில் நேற்று முன்தினம் நடந்த வெஸ்ட்இண்டீசுக்கு எதிரான ஆட்டத்தில் இலங்கை அணி 20 ரன்கள் வித்தியாசத்தில் வெற்றி பெற்றது. இந்த ஆட்டத்தில் இலங்கை அணியின் சுழற்பந்து வீச்சாளர் வனிந்து ஹசரங்கா 2 விக்கெட்டுகள் வீழ்த்தினார்.
இதனால் நடப்பு உலக கோப்பை தொடரில் அவரது விக்கெட் எண்ணிக்கை 16 ஆக உயர்ந்தது. இதன் மூலம் 20 ஓவர் உலக கோப்பை போட்டி தொடர் ஒன்றில் அதிக விக்கெட்டுகள் வீழ்த்திய வீரர் என்ற சாதனையை ஹசரங்கா படைத்தார். இதற்கு முன்பு 2012-ம் ஆண்டில் இலங்கை சுழற்பந்து வீச்சாளர் அஜந்தா மென்டிஸ் 15 விக்கெட்டுகள் வீழ்த்தியதே அதிகபட்சமாக இருந்தது.
