டல்லாஸ்,
20 அணிகள் கலந்து கொள்ளும் டி20 உலகக்கோப்பை கிரிக்கெட் தொடர் அடுத்த மாதம் 1ம் தேதி (இந்திய நேரப்படி 2ம் தேதி) தொடங்குகிறது. இந்த தொடர் இம்முறை அமெரிக்கா மற்றும் வெஸ்ட் இண்டீசில் நடைபெறுகிறது. இந்த தொடரில் கலந்து கொள்ள 20 அணி நிர்வாகங்களும் தங்களது அணி விவரங்களை அறிவித்து விட்டன.
இந்த தொடருக்கான இந்திய அணி ரோகித் சர்மா தலைமையில் அறிவிக்கப்பட்டுள்ளது. இந்நிலையில் இந்த தொடருக்கு அனைத்து அணிகளும் சிறப்பாக தயாராகும் பொருட்டு 16 பயிற்சி ஆட்டங்கள் நடைபெற உள்ளன. இதையடுத்து இந்த தொடரின் பயிற்சி ஆட்டங்கள் இன்று தொடங்குகின்றன.
முதல் நாளான இன்று 3 பயிற்சி ஆட்டங்கள் நடைபெற உள்ளன. அதில் நேபாளம் - கனடா, ஓமன் - பப்புவா நியூ கினியா, நமீபியா - உகாண்டா அணிகள் மோத உள்ளன. இந்திய அணி தனது ஒரே ஒரு பயிற்சி ஆட்டத்தை ஜூன் 1ம் தேதி வங்காளதேசத்திற்கு எதிராக ஆட உள்ளது.
இன்றைய பயிற்சி ஆட்டங்கள் விவரம்;
போட்டி 1: நேபாளம் - கனடா (மே 27, இரவு 9 மணி - இந்திய நேரம்) - டல்லாஸ்
போட்டி 2: ஓமன் - பப்புவா நியூ கினியா (மே 28, நள்ளிரவு 12.30 மணி - இந்திய நேரம்) - டிரினிடாட்
போட்டி 3: நமீபியா - உகாண்டா (மே 28, அதிகாலை 4.30 மணி, இந்திய நேரம்) - டிரினிடாட்