புதுடெல்லி,
விஜய் ஹசாரே கோப்பைக்கான ஒருநாள் கிரிக்கெட் போட்டியில் டெல்லி பாலம் மைதானத்தில் நடைபெறும் அரைஇறுதி ஆட்டம் ஒன்றில் நடப்பு சாம்பியன் கர்நாடக அணி, முன்னாள் சாம்பியனான மும்பையை எதிர்கொள்கிறது.
கர்நாடக அணியில் தொடக்க ஆட்டக்காரர் தேவ்தத் படிக்கல் தொடர்ச்சியாக 4 சதம் அடித்து சாதனை படைத்ததுடன் 673 ரன்கள் குவித்துள்ளார். கேப்டன் ரவிகுமார் சமார்த் 3 சதம் உள்பட 605 ரன்கள் திரட்டி இருக்கிறார். மும்பை அணியை பொறுத்த மட்டில் பொறுப்பு கேப்டன் பிரித்வி ஷா 3 சதங்களுடன் 589 ரன்கள் சேர்த்துள்ளார். கேப்டன் ஸ்ரேயாஸ் அய்யர், சூர்யகுமார் யாதவ் ஆகியோர் இந்த ஆட்டத்தில் ஆடாததால் மும்பை அணி பேட்டிங்கில் பிரித்வி ஷாவை தான் வெகுவாக நம்பி இருக்கிறது.
டெல்லி அருண்ஜெட்லி மைதானத்தில் அரங்கேறும் மற்றொரு அரைஇறுதியில் குஜராத்-உத்தரபிரதேச அணிகள் மோதுகின்றன. இவ்விரு ஆட்டங்களும் காலை 9 மணிக்கு தொடங்குகிறது.