வெலிங்டன்,

நூற்றாண்டை தாண்டி நடைபெற்று வரும் கிரிக்கெட் போட்டியில் சிறந்து விளங்கிய வீரர்களை கொண்டு ஒரு அணியை முன்னாள் மற்றும் இந்தாள் வீரர்கள் தேர்வு செய்வது வழக்கம். அந்த வகையில் நியூசிலாந்து நட்சத்திர வீரரான வில்லியம்சன் 21-ம் நூற்றாண்டில் டெஸ்ட் கிரிக்கெட்டில் சிறந்து விளங்கிய ஆல் டைம் சிறந்த வீரர்களை கொண்டு அணியை உருவாக்கி அறிவித்துள்ளார்.

அந்த அணியில் பேப் 4 பேட்ஸ்மேன்களான விராட் கோலி, ஜோ ரூட், ஆகியோரை தேர்வு செய்யாத அவர் தன்னையும் சேர்த்துக்கொள்ளவில்லை. ஆனால் ஸ்டீவ் சுமித்தை சேர்வு செய்துள்ளார். அத்துடன் சச்சின், சேவாக், மகேந்திரசிங் தோனி ஆகியோரையும் அணியில் சேர்த்துள்ளார்.

வில்லியம்சன் தேர்வு செய்த 21-ம் நூற்றாண்டின் சிறந்த டெஸ்ட் அணி:-

மேத்யூ ஹெய்டன், சேவாக், ரிக்கி பாண்டிங், சச்சின், ஸ்டீவ் சுமித், ஏபி டி வில்லியர்ஸ், மகேந்திரசிங் தோனி, டேல் ஸ்டெயின், ஷோயப் அக்தர், கிளென் மெக்ராத், முத்தையா முரளிதரன்.