லண்டன்,
இங்கிலாந்தில் உள்ள புகழ்பெற்ற கால்பந்து கிளப்புகளில் ஒன்றான மான்செஸ்டர் யுனைடெட் அணியின் தலைமை பயிற்சியாளராக நார்வே முன்னாள் வீரர் ஓலே குனர் சோல்க்ஜார் கடந்த 3 ஆண்டுகளாக பணியாற்றி வந்தார். இந்த சீசனுக்கான பிரிமீயர் லீக் கால்பந்து போட்டியில் யுனைடெட் அணி கடைசியாக ஆடிய 7 ஆட்டங்களில் 5-ல் தோல்வி அடைந்தது.
இதனால் அதிருப்திக்குள்ளான அணி நிர்வாகம் சோல்க்ஜாரை பதவியில் இருந்து நேற்று தடாலடியாக நீக்கியது. அவரது பயிற்சி குழுவில் இருந்த மைக்கேல் காரிக் தற்காலிக பயிற்சியாளராக செயல்படுவார் என்று அறிவிக்கப்பட்டுள்ளது.