ஹாக்கி உலகக்கோப்பை: ஸ்பெயின் அணியை வீழ்த்தி இங்கிலாந்து வெற்றி

புவனேஸ்வர்,

15-வது உலகக் கோப்பை ஆக்கி திருவிழா ஒடிசாவின் ரூர்கேலா மற்றும் புவனேஸ்வர் ஆகிய நகரங்களில் நடக்கிறது. போட்டியில் மொத்தம் 16 அணிகள் பங்கேற்கின்றன. அவை 4 பிரிவாக பிரிக்கப்பட்டுள்ளன. 'ஏ' பிரிவில் ஆஸ்திரேலியா, அர்ஜென்டினா, பிரான்ஸ், தென்ஆப்பிரிக்கா, 'பி' பிரிவில் நடப்பு சாம்பியன் பெல்ஜியம், ஜெர்மனி, தென்கொரியா, ஜப்பான், 'சி' பிரிவில் நெதர்லாந்து, நியூசிலாந்து, மலேசியா, சிலி, 'டி' பிரிவில் இந்தியா, இங்கிலாந்து, ஸ்பெயின், வேல்ஸ் ஆகிய அணிகள் இடம் பெற்றுள்ளன.

இதில் இன்று நடைபெற்ற ஆட்டத்தில் இங்கிலாந்து - ஸ்பெயின் அணிகள் மோதின. பரபரப்பபாக நடைபெற்ற இந்த ஆட்டத்தில் இங்கிலாந்து சிறப்பாக விளையாடி கோல் அடித்தது.

இதனால் ஆட்ட நேர முடிவில் 4 - 0 என்ற கணக்கில் ஸ்பெயின் அணியை வீழ்த்தி இங்கிலாந்து வெற்றி பெற்றது.