ஜூனியர் ஹாக்கி: இங்கிலாந்திடம் இந்திய அணி தோல்வி

ஜோஹர் பாரு,

6 அணிகள் இடையிலான 8-வது சுல்தான் ஜோஹர் கோப்பைக்கான ஜூனியர் ஆக்கி போட்டி மலேசியாவில் நடந்து வருகிறது. இதில் நேற்று நடந்த கடைசி லீக் ஆட்டத்தில் இந்திய அணி 2-3 என்ற கோல் கணக்கில் இங்கிலாந்திடம் தோல்வி அடைந்தது. தொடர்ச்சியாக 4 வெற்றிக்கு பிறகு இந்தியா சந்தித்த முதல் தோல்வி இதுவாகும். லீக் முடிவில் முதல் இரு இடங்களை பிடித்த இந்தியா (12 புள்ளி), இங்கிலாந்து (10 புள்ளி) அணிகள் மகுடத்துக்கான இறுதி ஆட்டத்தில் இன்று மீண்டும் சந்திக்கின்றன.