மாட்ரிட்,
லா லிகா கால்பந்து போட்டி ஸ்பெயினில் நடந்து வருகிறது. இதில் மாட்ரிட்டில் நேற்று முன்தினம் நடந்த லீக் ஆட்டம் ஒன்றில் நடப்பு சாம்பியன் பார்சிலோனா அணி, அட்லெடிகோ மாட்ரிட் அணியை சந்தித்தது. விறுவிறுப்பான இந்த ஆட்டத்தில் பார்சிலோனா அணி 1-0 என்ற கோல் கணக்கில் அட்லெடிகோ மாட்ரிட் அணியை சாய்த்தது. பார்சிலோனா அணியின் நட்சத்திர வீரர் லயோனல் மெஸ்சி 86-வது நிமிடத்தில் வெற்றிக்கான கோலை அடித்தார். 14-வது ஆட்டத்தில் ஆடிய பார்சிலோனா அணி பெற்ற 10-வது வெற்றி இதுவாகும். ஒரு டிரா 3 தோல்வி கண்டுள்ள பார்சிலோனா அணி 31 புள்ளியுடன் முதலிடத்தை பிடித்துள்ளது.