ஆல்இங்கிலாந்து பேட்மிண்டன்: திரிஷா-காயத்ரி ஜோடி அரைஇறுதிக்கு முன்னேற்றம்

பர்மிங்காம்,

ஆல்இங்கிலாந்து பேட்மிண்டன் சாம்பியன்ஷிப் போட்டி பர்மிங்காம் நகரில் நடந்து வருகிறது.

இதில் நேற்று நடந்த பெண்கள் இரட்டையர் கால்இறுதி ஆட்டம் ஒன்றில் இந்தியாவின் திரிஷா ஜாலி-காயத்ரி கோபிசந்த் ஜோடி 21-14, 18-21, 21-12 என்ற செட் கணக்கில் சீனாவின் லி வென்மெய்- லி ஸியான் இணையை 64 நிமிடங்களில் தோற்கடித்து தொடர்ந்து 2-வது முறையாக அரைஇறுதிக்கு முன்னேறியது.

களத்தில் நீடிக்கும் ஒரே இந்திய ஜோடி இவர்கள் தான். ஒற்றையர் பிரிவில் பி.வி.சிந்து, லக்ஷயா சென், ஶ்ரீகாந்த், பிரனாய் ஆகியோர் தோற்று வெளியேறி விட்டனர்.