ஆசிய விளையாட்டுப்போட்டி: இந்திய பெண்கள் ஸ்குவாஷ் அணி இறுதிப்போட்டிக்கு முன்னேறியது

ஜகார்த்தா,

ஆசிய விளையாட்டில் பெண்களுக்கான ஸ்குவாஷ் அரையிறுதி போட்டியில் இந்தியா, மலேசியா அணிகள் இன்று மோதின.

பெண்கள் அணிகளுக்கான ஸ்குவாஷ் பி பிரிவில் இடம் பிடித்திருந்த இந்திய அணி முதல் நான்கு போட்டியில் ஈரான், தாய்லாந்து, இந்தோனேஷியா, சீனா அணிகளை வீழ்த்தி ஏற்கனவே அரையிறுதிக்கான இடத்தை உறுதி செய்திருந்தது. இதில் நேற்று முன்தினம் நடந்த கடைசி லீக் போட்டியில் இந்தியா, ஹாங்காங் அணிகள் மோதின. இதில் இந்திய அணி 1-2 என்ற புள்ளிக்கணக்கில் தோல்வியடைந்தது.

பின்னர் லீக் சுற்றின் முடிவில் இந்திய அணி 5 போட்டியில் 4 வெற்றி, 1 தோல்வி என 8 புள்ளிகளுடன் பி பிரிவில் 2வது இடம் பிடித்தது. இதன்மூலம் பி பிரிவில் இரண்டாம் இடம் பெற்ற இந்திய அணி, ஏ பிரிவில் முதலிடம் பிடித்த நடப்பு சாம்பியனான மலேசியாவை இன்று எதிர்கொண்டது. இதில் இந்திய விராங்கணைகளின் சிறப்பான ஆட்டத்தால் 0-2 என்ற புள்ளிக்கணக்கில் மலேசியாவை வீழ்த்தி இறுதிப்போட்டிக்கு முன்னேறியது.